Kaha Jo maiN ne Ghalat kar rahi Ho Chun k...... By Umair Najmi

غزل

کہا جو میں نے: "غلط کر رہی ہو چُن کے مجھے"

اچانک اُس نے کہا: "چُپ!"، یہ بات سُن کے، مجھے

کوئی جنون، ہوا میں اُڑا دے میرا وجود

کوئی عصا ہو جو روئی کی طرح دُھنکے مجھے

کسی نے کہہ کے جب اک "ہاں"، بسایا دل کا جہاں

قسم خدا کی، سمجھ آئے معنی "کُن" کے مجھے

اُدھیڑ دے گر اِرادہ نہیں پہننے کا

یہ کیا کہ ایک طرف رکھ دیا ہے بُن کے مجھے؟

تمہارے لوٹنے تک کچھ بُرا نہ ہو گیا ہو

نہ پاس چھوڑنا، مجھ ایسے بد شگُن کے، مجھے

شجر سے کاٹ لیا ہے تو اپنی میز بنا

اگر نہیں تو پھر آنے دے کام گھُن کے مجھے

کل ایک ریل کی "چھک چھک" سے رُکن یاد آئے

"مفاعلن فعِلاتن مفاعلن" کے مجھے

فقیر لوگ سمجھ آئیں یا نہ آئیں ، عمیر!

کوئی سمجھتا نہیں ہے سوائے اُن کے مجھے

عمیر نجمی

Ghazal

Kaha jo maiN ne: " Ghalat kar rahi ho chun k mujhay"

Achanak us ne kaha: "chup!", ye baat sun k, mujhay

Koi junoon, hawa maiN uRa de mera wujood

Koi asaa ho jo rooi ki tarh dhunkay mujhay

Kisi ne keh k jab ik "haan", basaya dil ka jahaN

Qasam khuda ki, samajh aye ma'ni "kun" k mujhay

UdhaiR de gar irada nahiN pehan'nay ka

Ye kya k aik taraf rakh dia hai bun k mujhay?

Tumharay lautnay tak kuch bura na ho gya ho

Na paas choRna, mujh aisay badshagun k ,mujhay

Shajar se kaat lia hai to apni maiz bana

Agar nahiN to phir anay de kaam ghun k mujhay

Kal aik rail ki "chik chik" se rukn yaad aye

"mafailun fa'ilatun mafailun" k mujhay

Faqeer log samajh ayeN ya na ayeN, Umair!

Koi samajhta nahiN hai siwaye un k mujhay

Umair Najmi