Jari Thi Kab Se....By Umair Najmi

غزل

جاری تھی کب سے "کُن" کی صدا ،روک دی گئی

لیکھک کا دل بھرا تو کتھا روک دی گئی

اس نے تو صرف مجھ کو اشارہ کیا کہ رک!

ہر چیز اپنی اپنی جگہ روک دی گئی

ہر شب ہوا سے بجتی تھیں سب بند کھڑکیاں

اک شب وہ کھول دیں تو ہوا روک دی گئی

جانے ہیں کتنی چوکیاں، عرشِ بریں تلک.؟

جانے کہاں ہماری دعا روک دی گئی؟

میں لاعلاج ہو گیا ہوں، یوں پتہ چلا

اک دن، بنا بتائے، دوا روک دی گئی

گریے کو ترک کر کے میں خوش باش ہو گیا

غم مر گیا جب اس کی غذا روک دی گئی

میری سزائے موت پہ سب غمزدہ تھے، اور

میں خوش کہ زندگی کی سزا روک دی گئی

عمیر نجمی

Ghazal

Jaari thi kab se "kunn" ki sada, rok di gayi

Laikhak ka dil bhara to katha rok di gayi

Us ne to sirf mujh ko ishara kia k ruk!

Har cheez apni apni jagah rok di gayi

Har shab hawa se bajti thiN sab band khiRkiyaN

Ik shab wo khol diN to hawa rok di gayi

Janay haiN kitni chowkiaN arsh-e-bareeN talak?

Janay kahaN hamari dua rok di gayi

MaiN lailaj ho gya hooN, yuN pata chala

Ik din, bina bataye, dawa rok di gayi

Giriay ko tark kar k maiN khush baash ho gya

Gham mar gya jab us ki ghiza rok di gayi

Meri saza-e-maut pe sab ghamzada thay, or

MaiN khush k zindagi ki saza rok di gayi

Umair Najmi