من کا میل مٹا دیتی ھے..... By Ali Zaryoun - Poetry Nation

Home Top Ad

Responsive Ads Here

Post Top Ad

Saturday, February 15, 2020

demo-image

من کا میل مٹا دیتی ھے..... By Ali Zaryoun

Responsive Ads Here
guillaume-de-germain-Z_br8TOcCpE-unsplash


غزل

من کا میل مٹا دیتی ھے
خوشبو انگ بسا دیتی ھے
سینہ خیر بنا دیتی ھے
پیر نہیں تھکتے ھیں جس میں
ایسا رقص کرا دیتی ھے
سب رنگوں سے جان چھڑا کر
یار کا رنگ چڑھا دیتی ھے
پوچھ رھے ھو بابا لوکا
اور محبّت کیا دیتی ھے ؟؟

اور کسی سے کب ھوتا ھے
یہ "کُن" کہہ دے تب ھوتا ھے
اس کے دم سے سب ھوتا ھے
اس کا مالک رب ھوتا ھے
رمز الف سمجھا دیتی ھے
پوچھ رھے ھو بابا لوکا
اور محبّت کیا دیتی ھے ؟؟

اس کی مٹی بھی سونا ھے
اس کا کھونا بھی ھونا ھے
اس کی مستی ھی وکھری ھے
یہ الّھڑ ھے اور اتھری ھے
یہ ھونی پر آ جائے تو
سو بلّھے نچوا دیتی ھے
پوچھ رھے ھو بابا لوکا
اور محبّت کیا دیتی ھے ؟؟

اس کے جوگ بجوگ نرالے
یہ کب یار کا بھید اچھالے
مسجد مندر چرچ شوالے
سارے اس کے دیکھے بھالے
آ اس کے ھونے سے ھو جا
اور " بننے" سے جان چھڑا لے
لے سُنیاری در پر آئی
پریتم کے کنگن بنوا لے
تن کے سب جھگڑے چھڑوا کر
من درشن کروا دیتی ھے
پوچھ رھے ھو بابا لوکا
اور محبّت کیا دیتی ھے ؟


علی زرین

No comments:

Post a Comment

Post Bottom Ad

Pages